D'Kilos sind g'schmolze, wiä d'Gletscher a de Sonne
und ich dänke oft: „Ach, welche Wonne,
bin ich froh, dass mier diä „alt' Hose" wieder gad
und mier sogar de neuscht' Modetrend ganz ordli staht" !!

Eis muess ich no byfüege, nur eso näbeby:
das Coach-Jahr isch sehr lehrrych gsy
aber hätt' mich, s'eint oder ander', nid unterstützt,
hätt diä ganz Sach' nid viel g'nützt !!

Ich verspriche, sportlich z'blybe und das zünftig
und mitem Ässe und Trinke, au künftig,
gar niä .... oder sälte .... z'übertrybe,
eso sett s'Ganze doch im Glychg'wicht blybe !

Liebi Lüüt, lueged euich guet, au zu euichem G'wicht !
Es verabschiedet sich d'Megy, alias Seesicht !!

Ihr werdet's weder glaube, no dänke,
aber ich muess diä wyss' Fahne schwänke,
denn mich, wo doch immer e grossi Röhre füehrt,
hed's geschter fascht vo de Waag' ab' g'rüehrt !!

Guet, es Drama chamer das Ganze ja ned nenne,
aber mich tüend wieder meh als 3 Kilos vom Ziel trenne,
deby han ich glaubt, ich heb's total tscheggt:
sinnvoll g'ässe und mich g'nueg bewegt !!

Seufz....., ich wär em Ziel no niä so nöch gsy !
Fazit: ich blybe dra, ich blybe deby
und tue mich nächscht' Woche wieder „schluche"!!
(Wiä wär's mit Unterstützig? Ich chönt' sie bruche !!)

Scho mänge hed sich fragend quält:
„Han ich alli Kaloriä zählt?"
und sogar de Coach luegt kritisch übere PC:
„Sind das alli Kaloriä gse' ?"

Diä, wo da mitmached, wüssed's bestimmt:
wemmer sich e chly i d'Knutte nimmt
und am Abig s'schnause cha la sy,
diä erreichet sys g'steckte Ziel "no gly" !!

Dänket dra: miteme Ziel vor Auge (das darf ich betüüre)
chamer langsam, Gramm um Gramm verlüüre !!

... ohne Worte !!!

Obwohl ich z'Arosa ordli Kaloriä iä g'rüehrt ha,
zeigt my Waag kei grossi Veränderig a
mit ander'ne Wort: s'Glück (das tuen ich nid abstryte)
isch für einisch uf minere Syte !!

Eis müend ihr aber wüsse, ich ha's tscheggt,
dass, wemer sich e chly meh bewegt,
s'de härzige, niedliche Pölschterli, a Hüft und Po,
a Chrage gad, so oder so !!

Drum tuen ich, wenn ich's mag verlyde,
fascht täglich i de Natur umespeede
und das, ohni mich wirklich z'quäle !!
(Ich cha „diä Therapie" nur empfähle!!)